ألَا بِذِكْرِ اللَّهِ تَطْمَئِنُّ الْقُلُوبُ "

بسم الله الرحمن الرحيم

جميلة هي الحياة عندما نجعل اللسان رطب بذكر الله , في أوقات الرخاء والشدة فنجعل قلوبنا منشغلة بالتقرب إلى الله
مها ارتكبنا من أخطاء , فخير الخطائين هم التوابين لكن مشكلتنا أننا ننشغل بالدنيا الانشغال الكثير
وننسى فيها أنفسنا و لهذا السبب احنا محتاجين أشياء تذكرنا وتنبهنا من غفلتنا ..

ومن أجل ذلك هذه بعض من الأفكار الحلوة اللي تخلينا نستغل بعض من الوقت الضائع
ونقطع منه 5 دقايق نذكر فيها الله :

* أول شي الجلسة على النت الكثير من الوقت يمر واحنا مو حاسين فيه فهذي طريقة حلوه تخلينا نقول بعض الأذكار اللي بإذن الله راح نكسب فيها الأجر .. كيف الطريقة ؟
ننشئ ملف وورد ثم نقوم بحفظه على سطح المكتب ونجعل اسمه بأي الأذكار مثلا " استغفر الله 30 مره " وبالتالي أول ما نشغل الجهاز راح نشوفه ونتذكره وما فيه مانع انه نقول بعض من الأذكار الإضافية خير وبركه وكل ما سكرنا كل شي وشفنا سطح المكتب راح نتذكره ونقول هالأذكار فما أجمل أنه نخلي لسانا رطب بذكر الله وكذلك يزيد من الرقابة والخوف من الله أثناء جلوسنا على النت .

:::

* أيضا فيه برنامج للأذكار بالمسن كل شوي تطلع نافذه تحتوي على بعض الأذكار حلو أنه نحمله وماراح يستغرق وقت طويل أبدا وأثناء الجلوس على المسن تطلع لك النافذه والمفروض نستغل خروج النافذة بأنه لو كنا نتكلم بالغيبة أو نشوف شي مخالف نسكر الموضوع ونذكر الله بدقيقتين ونحصل شوية أجر .

:::

* نقدر نكتب بعض من الاذكار ونطبعها ونقصها بشكل حلو ونوزعها بأنحاء البيت بجانب السرير , على التسريحة , في المطبخ على الثلاجة في أماكن كثيرة هالطريقة تخلينا نتذكر وماننسى ودائما نردد الأذكار وأيضا هالشيء حلو أنه راح نكسب أجر كل من يقراها لكن ننتبه للأوراق من أنها تهان لأنه فيها ذكر الله .

:::

* الأوقات الثمينة اللي تمر علينا وتكون أحرى للاستجابة لازم نذكر فيها أنفسنا وندعو فيها وكل إنسان لازم يهتم ويبحث بالطريقة الأفضل اللي تخليه يتذكرها وما ينساها مثلا : يوم الجمعة إذا كان عندك تقويم اكتب على كل ورقة تحمل يوم الجمعة لا تنسى ساعة الاستجابة لن تستغرق الكثير من الوقت وبإذن الله ستيسر لك الكثير من الأمور فأنجح حل للأزمات والمشاكل هو الالتجاء إلى الله .

:::

* بالنسبة إلى المنتديات والتواقيع التي تنتهي بأسفل المشاركات جيد أن تكون هناك مساحة صغيره من التوقيع تحمل ذكرا لله بالإضافة إلى التوقيع الأصلي للعضو نفسه وكم شخص سيقرأه وقد يغير في حياته الشيء الكثير المهم أنه خير وفيه طريقة لكسب الأجر ونحن هنا نبحث عن هذا الأجر .

وهنا بعض من الفوائد لذكر الله مع العلم أنه بقي الكثير لكن اختصرت حتى لا تعجز النفس عن قراءتها :

* يطرد الشيطان ويقمعه ويكسره .
* يزيل الهم والغم عن القلب.
* يجلب للقلب الفرح والسروروالبسط.
* يجلب الرزق.
* يورث حياة القلب ويذيب قسوته .
* يحط الخطايا ويذهبها، فإنه من أعظم الحسنات، والحسنات يذهبن السيئات.
* يزيل الوحشة بين العبد وبين ربه تبارك وتعالى.
* أن العبد إذا تعرف إلى الله تعالى بذكره في الرخاءعرفه في الشدة.
* سبب اشتغال اللسان عن الغيبة، والنميمة،والكذب، والفحش، والباطل.
* أن الذكر يعطي الذاكر قوة، حتى إنه ليفعل مع الذكرما لم يطيق فعله بدونه.

:::

بالنهاية لابد أن نجعل أهم شي في حياتنا هو تحصيل الأجر والبحث عنه و ماراح يتحقق هالشيء إلا إذا اهتمينا منه وخليناه جزء كبير من حياتنا وأظهرناه من خلال تصرفاتنا ,أخلاقنا, قيمنا , مبادئنا , سوالفنا وفي نواحي كثيرة من حياتنا

:::

وأتمنى أن نجعل هذا الموضوع مجالا خصبا لجميع الطرق التي تجعلنا نداوم على الأذكار صبحا ومساء
لكي نرطب ونطهره بها ألسننا ونجني هذه الفوائد العظيمة ..

والله يجعلنا من الذين قال فيهم " والذاكرين الله كثيرا والذاكرات
أعد الله لهم مغفرة وأجرا عظيما "

دمتم بخير

** جزاك الله جنة الفردوووس الاعلى **
ويعطيك الف الف عافيه على ما طرحتيه...

ويــآآتس حيـــآآتي ..
الله يـعــآآفيتس يــآقمر ..
مــــــنووره يــآآقـــمرهم ..
ســلمت يـدآآتس ع الـــرد ..
لآآآ عــدم مــنتس ولآآآ مــن ردودتس يـالغــلآآ ..
اتشــرف بــكونتس اول مـن رد عــلى مــوضــوعي ..

جزآكـ الله خيرآ ع الطرح،،،،

مـنــووره يـآعسل ..
لآآآ عــدم منتس ولآآ من ردودتس ..